ລະບົບລົດປືນໃຫຍ່ຊະນິດໃໝ່ ຂອງຣັດເຊຍ 2S40 Phlox
ອີງຕາມແຫຼ່ງຂ່າວການທະຫານຂອງບຸນກາຣີ, ໂດຍອ້າງອີງຈາກການລົງຂ່າວຂອງໂທລະພາບ ”ດາວແດງ” (Zvezda) ຂອງຣັດ
ເຊຍ ເຜີຍແຜ່ພາບກ່ຽວກັບການບັນຈຸລະບົບລົດປືນໃຫຍ່ ລຸ້ນໃໝ່ 2S40 Phlox ເຂົ້າປະຈຳການໃນກອງທັບຣັດເຊຍ.
ໃນຂ່າວລາຍງານວ່າ: ກ່ອນຈະເຂົ້າສູ່ສາຍການຜະລິດເປັນຈຳນວນຫຼາຍນັ້ນ, ລະບົບລົດປືນໃຫຍ່ 2S40 Phlox ຂອງ ຣັດເຊຍ
ໄດ້ທຳການຄົ້ນຄວ້າ ປັບປຸງ ທົດລອງຍິງ ແລະ ຮັບຮອງປະສິດທິຜົນຢ່າງລະອຽດຖີ່ຖ້ວນແລ້ວ. ນັບທັງຍິງໃນກາງເວັນ ແລະ ຍິງກາງ
ຄືນ, ເຊີ່ງສະແດງໃຫ້ເຫັນວ່າມັນເປັນອາວຸດທີ່ມີກຳລັງໄຟທີ່ຮຸນແຮງ ແລະ ຄ່ອງຕົວສູງ, ເພາະມັນຖືກຕິດຕັ້ງຢູ່ເທິງລົດບັນທຸກຫຸ້ມເກາະ
Ural-63704-0010. 2S40 Phlox ເປັນລະບົບປືນໃຫຍ່ຂະໜາດ 120 ມມ, ມີປືນຈັກຍິງໄດ້ໄລຍະໄກ, ລົດມີຫຸ້ມເກາະສາມາດ
ຕ້ານທານກັບອາວຸດຂະໜາດນ້ອຍ ແລະ ທົນທານ ກັບການລະເບີດໃກ້ໆຂອງອາວຸດຝ່າຍກົງກັນຂ້າມ; ມີການປະກອບອຸປະກອນເອ
ເລັກໂຕຣນິກ ແລະ ອາວຸດຈຳນວນໜຶ່ງ ສາມາດສູ້ຮົບເອກະລາດໄດ້. ອາວຸດລະບົບນີ້ ປະກອບໃຫ້ກົມກອງສູ້ຮົບ ເພື່ອຄວາມອາດສາ
ມາດເຄື່ອນທີ່ໄດ້ໄວ. ປືນໃຫຍ່ຍິງລູກປືນຂະໜາດ 120 ມມ ຍິງໄກໄດ້ 13 ກິໂລແມັດ ແລະ ປືນຄົກຍິງໄກໄດ້ 7,5 ກິໂລແມັດ. ຄວາມ
ໄວການຍິງປືນໃຫຍ່ແມ່ນ 10 ລູກຕໍ່ນາທີ, ປືນຄົກ 8 ລູກຕໍ່ນາທີ ແລະ ບັນຈຸໄດ້ຊຸດລະ 80 ລູກ; ປືນຈັກ Kord 12,7 ມມ ທີ່ຕິດຕັ້ງຢູ່
ເທີງຫົວລົດ ແມ່ນເພື່ອນຳໃຊ້ຕາມແຕ່ລະກໍລະນີ.
ລະບົບລົດປືນໃຫຍ່ລຸ້ນນີ້ມີ ຄວາມທົນທານໄດ້ກັບການລະເບີດຂອງລູກລະເບີດທີ່ບັນຈຸທາດລະເບີດ TNT ເຖິງ 2 ກິໂລກຣາມ;
ຈຳນວນພົນບັນຈຸແຕ່ລະລະບົບມີ 4 ຄົນ, ສາມາດດຳເນີນການກະກຽມສູ້ຮົບ ແລະ ສູ້ຮົບ ໄດ້ຢ່າງວ່ອງໄວ ແລະ ການເກັບມ້ຽນເຄື່ອນ
ຍ້າຍໄປບ່ອນໃໝ່ກໍເຮັດໄດ້ຢ່າງວ່ອງໄວເຊັ່ນດຽວກັນ ເຮັດໃຫ້ຝ່າຍກົງກັນ ຂ້າມບໍ່ສາມາດຕອບໂຕ້ຄືນໄດ້ທັນ.
ແຫຼ່ງທີ່ມາ: ໜັງສືພິມກອງທັບ
ວັນທີ 21/02/2024